आशा फाउंडेषनच्या पवित्र यज्ञकुंडात श्री मुंगसाजी महाराज पतसंस्थेने उचलला ५० हजाराचा वाटा
MH 28 News Live, चिखली: कोरोना महामारीत ज्या कुटूंबातील आई आणी वडील दोघेीही कोरोनाने हिरावले त्या बालकांचे आभाळच हरविले आहे. जिल्हयात कोरोनाने आई – वडील गमावलेले तब्बल ७ कुटूंब असुन त्यात १५ बालक – बालिका आहेत. महामारीने आई – वडील हिरावुन घेतल्यामुळे या निरागस बालकांचे भविष्य अंधकारमय होण्याची भिती निर्माण झाली आहे. या १५ बालकांच्या जिवनात आषेचा किरण निर्माण करण्यासाठी त्यांना दत्तक घेण्याचा निर्णय अखिल भारतीय कॉग्रेस कमिटीचे सरचिटणीस मुकूल वासनिक साहेब हे अध्यक्ष असलेल्या ‘‘ आशा फाउंडेशन’’ ने घेतला आहे. आशा फाउंडेषनचे सचिव माजी आमदार राहुल बोंद्रे यांनी केलेल्या आवाहनाला प्रतिसाद देत, या पवित्र यज्ञकुंडात चिखली येथील श्री मुंगसाजी महाराज सहकारी पतसंस्थेने मदतीचा हात पुढे करीत खारीचा वाटा उचलीत ५० हजार रूपयाचा मदत निधी दिला आहे.
चिखली येथील श्री मुंगसाजी महाराज पतसंस्थेचे अध्यक्ष बुलडाणा जिल्हा कॉग्रेस सहकार सेलचे जिल्हाध्यक्ष दिपक देषमाने यांनी कोरोनामुळे आई वडील गमावलेल्या अनाथ मुला मुलींच्या संगोपणासाठी ५० हजार रूपयाचा धनादेष आशा फाउंडेषनचे सचिव माजी आमदार राहुल बोंद्रे यांचे सुपूर्द केला आहे. बुलडाणा जिल्हा कॉग्रेस कमिटीच्या वतीने सुरू असलेल्या कॉग्रेस डिजीटल सदस्य नोंदणी अभियाच्या आढावा बैठक प्रसंगी चिखली येथील अनुराधा औषधनिर्माण महाविद्यालयात आयोजित कार्यक्रम प्रसंगी हा धनादेष सुपुर्द करण्यात आला. यावेळी आषा फाउंडेशनचे विश्वस्त नाना गावंडे, कॉग्रेस कमिटीचे प्रदेश उपाध्यक्ष विजय अभोरे, प्रदेश सरचिटणीस श्याम उमाळकर, इंटन नेते लक्ष्मणराव घुमरे, अशोकराव पडघान, रिजवान सौदागर, डॉ. सत्येंद्र भुसारी, सुनील पवार आदींची उपस्थिीती होती.
