जहाल माओवादी नक्षली नेता ‘ नर्मदाक्का ‘ तुरुंगातच मरण पावली. 61 जवानांच्या हत्येची होती सूत्रधार; 150 हून अधिक गुन्ह्यांची होती नोंद

MH 28 News Live : माओवाद्यांच्या दंडकारण्य झोनल समितीचे सचिव असलेली आणि पोलिसांच्या ताब्यात तुरूंगात असलेल्या नर्मदक्का या जहाल माओवादी नेत्याचा मृत्यू झाला आहे. नर्मदक्कावरतब्बल 61 जवानांच्या हत्येत मुख्यसुत्रधार होती. तिच्या मृत्यूमुळे माओवाद्यांच्या चळवळीला मोठा हादरा बसला आहे.

आंध्रप्रदेशच्या कृष्णा जिल्ह्यात जन्मलेल्या नर्मदाक्काच मूळ नाव अल्लुरी उषा रानी असून मद्रास विद्यापीठातून एम ए पर्यंत उच्च शिक्षण घेऊन नर्मदा माओवादी चळवळीत दाखल झाली होती. तब्बल चाळीस वर्षे शहरी भागासह दंडकारण्यात माओवादी विचारधारेसाठी नर्मदाने काम केले होते.

पेरमिली दलम सदस्य ते माओवाद्याच्या दंडकारण्य झोनल समितीच्या सचिव पदापर्यंतच्या प्रवासात नर्मदक्कावर गडचिरोली जिल्ह्यात सत्तरपेक्षा जास्त तर संपूर्ण दंडकारण्यात दीडशे गुन्हे दाखल आहेत. गडचिरोली जिल्ह्यात 61 जवान शहीद झाल्याच्या चार मोठ्या घटनांमध्ये नर्मदक्का मुख्य आरोपी आहे. तर चकमकीचे 27 नागरिकांच्या हत्येचे 9 गुन्हे दाखल आहेत.

नर्मदक्काच्या नेतृत्वात गडचिरोली जिल्ह्यात माओवादी संघटनेचा विस्तार झाला होता आहेत. नर्मदक्काला चार भाषा बोलता यायच्या. माओवादी संघटनेच्या विस्तारात अतिदुर्गम भागात सर्वाधिक जनसंपर्क ठेवणारी माओवादी अशी नर्मदक्काची ओळख होती कर्करोगाच्या उपचारासाठी हैदराबाद गेली असताना नर्मदक्काला गडचिरोली पोलिसांनी अटक केल्यानंतर मुंबईच्या तुरुंगात तिला ठेवण्यात आले होते. आज उपचारादरम्यान तिचा मृत्यू झाला. () माओवाद्यांनी तिच्यावर पत्रक काढुन तिच्या कार्याचा उल्लेख करत तिच्या स्मृतिप्रीत्यर्थ येत्या 25 जून रोजी दंडकारण्य बंदचे आवाहन केले आहे.