लोणार शहरातून वयोवृद्ध महिला बेपत्ता

• MH 28 News Live, लोणार :- (राहुल सरदार) मागील पाच दिवसांपूर्वी शहरातून वयोवृद्ध महिला बेपत्ता झाल्याने एकच खळबळ उडाली असून या महिलेचा शोध नातेवाईकासह लोणार पोलीस स्टेशन चे अधिकारी कर्मचारी घेत आहेत.

याबाबत सविस्तर वृत्त असे की
मुलीच्या घरी झोपण्यासाठी जात असल्याचे कारण सांगुन वयोवृद्ध महीला गेल्या पाच दिवसापासुन घरी परतलीच नाही त्यामुळे पतीने लोणार पोलीस स्टेशन येथे वयोवृद्ध महिला हरविल्या बाबत तक्रार दाखल केल्याने लोणार पोलीस स्टेशनला मिसिंग नंबर ४२ / २०२२ नुसार हरविल्याबाबतचा गुन्हा दाखल करण्यात आला आहे.

लोणार शहरातील वयोवृद्ध महिला सिताबाई श्रावण बाजड वय ७० ही महीला आपली मुलगी बालूबाई नामदेव उबाळे यांचे घरी झोपण्यासाठी जात असल्याचे सांगुन ७ डिसेंबर २०२२रोजी सांयकाळी जाते असे पतीला सांगुन घरातुन निघुन गेली असता दुसऱ्या दिवशी सकाळपर्यंत सदर महीला ही घरी आली नाही. या महीलेचा पती मुलगा व इतर नातेवाईकांनी सर्वत्र शोध घेतला असता सदर महीला आढळुन नआल्याने महीलेचा पती श्रावण बळीराम बाजड यांनी लोणार पोलीस स्टेशन येथे या तक्रार दिली असूनसदर वयोवृद्ध महीला कोठेही आढळुन आल्यास लोणार पोलीसाना कळविण्यात यावे असे आवाहन लोणार पोलीस स्टेशनचे वरिष्ठ पोलीस निरीक्षक प्रदीप ठाकूर सहाय्यक पोलीस निरीक्षक शरद आहेर यांनी केले आहे. या घटनेचा पुढील तपास तपास पोहेका रामकिसन गिते पोका गजानन डोईफोडे हे करित आहेत.