अपघातात मुत्यू पावलेल्या जवानावर शासकीय इतमामात अंत्यसंस्कार; चार वर्षाच्या मुलाने दिला चितेला अग्नी
MH 28 News Live, लोणार : रजेवर गावी आलेल्या मराठा बटालीयनमधील सैनिकाच्या दुचाकीला अज्ञात वाहनाने दिलेल्या धडकेत दि. १७ मे रोजी जागीच ठार झालेल्या सैनिकावर आज शासकीय इतमामात अंत्यसंस्कार करण्यात आले. मयत जवानाच्या चार वर्षीय मुलाने आपल्या वडिलांच्या पार्थिवाला अग्नीदाह दिला.
सामान्य शेतकरी कुटुबातील विकास शालीकराम गायकवाड यांना शालेय जीवनापासुन देश सेवेची इच्छा असल्याने त्यांनी भारतीय सैन्य दलात प्रवेश केला. मात्र केवळ ३ ते ४ वर्षाची सेवा बाकी असतांनाच तेही गावी आल्यावर काळाने डाव साधला आणि ३० वर्षीय जवानाला स्वतःच्या गावाजवळच झालेल्या अपघातात आपला जीव गमवावा लागला. या तीव्र दुःखद घटणेने येसापूर – भानापूर परिसरातील शेकडो नागरिकांनी पाणावलेल्या डोळ्यानी अखेरची श्रद्धांजली वाहीली. यावेळी बुलडाणा जिल्हयाचे खासदार प्रतापराव जाधव , मेहकर मतदार संघाचे आमदार डॉ.संजय रायमुलकर यांनी श्रद्धांजली अर्पण करित शोक संवेदना व्यक्त केल्या .
दरम्यान राजर्षी शाहुपरिवाराचे अध्यक्ष संदिप शेळके , सैनिक कल्यान अधिकारी पडघान , लोणारचे तहसीलदार गिरिश जोशी , निवासी तहसीलदार रामप्रसाद डोळे , मंडळ अधिकारी जे . एम . येऊल , तलाठी संतोष पनाड , विज वितरण चे पंजाबराव बोबडे ,के .ल . फोलाने पो .कॉ. राजेश जाधव तसेच सरपंच पंजाबराव बोबडे , मारोतराव धांडे , प्राचार्य गजानन धांडे , दत्तात्र्य पडघान , हणुमतराव गायकवाड , राजेश भानापुरे , पत्रकार सागर पनाड आदिनी श्रद्धांजली अर्पण केली .
