![](https://mh28newslive.com/r3e/uploads/2023/05/IMG_20230513_213312-1-780x470.jpg)
तो विकृत नराधम अखेर पोलिसांना गवसला… निरागस राधिकावर झाला होता अत्याचार आणि नंतर गळा आवळून हत्या !
MH 28 News Live, बुलढाणा : जिल्ह्याला हादरवून टाकणार्या राधिका इंगळे या अल्पवयीन मुलीच्या हत्येचे गुढ उकलले असून तिच्यावर शारिरीक अत्याचार करून नंतर गळा आवळून हत्या करणारा नराधम तरुण पोलीसांच्या ताब्यात आहे.
येथून जवळच असलेल्या रोहडा येथील श्री तपोवन देवी संस्थानमध्ये आपल्या कुटुंबियांसोबत आलेली राधिका विलास इंगळे ही ६ वर्षाची अल्पवयीन मुलगी दि. १२ मे रोजी बेपत्ता झाली होती. बरीच शोधाशोध केल्यानंतर तिचा मृतदेह तपोवन मंदिराच्या मागील भागात दि. १३ मेला सापडला परंतु हा निंदनीय प्रकार घडवतारा गुन्हेगार मात्र तोपर्यंत पोलिसांना सापडला नव्हता, त्यामुळे एका अर्थाने पोलीस तपास अपूर्णच होता.
सामाजिक दबाव आणि तपासाला यश
समाजमन सून्न करणाऱ्या या पाषवी घटनेचे पडसाद चिखली शहर व तालुक्यासह संपूर्ण जिल्ह्यात उमटले. या प्रकरणाचा त्वरित छडा लावण्याची मागणी करत दि. १६ मे रोजी चिखली बंदची हाक देखील देण्यात आली होती, हळूहळू पोलिसांवर दबाव वाढत होता. अश्या परिस्थितीत जिल्हा पोलीस अधीक्षक सुनील कडासणे यांच्या मार्गदर्शनात अप्पर पोलीस अधीक्षक बी. बी. महामुनी, डीवायएसपी यामावार, एलसीबीचे प्रमुख पीआय अशोक लांडे, अंढेरा येथील ठाणेदार हिवरकर यांच्यासह विविध पोलीस कर्मचाऱ्यांनी जंग जंग पछाडून अखेर आरोपीला जेरबंद केलेच. दरम्यान या गुन्ह्यातील आरोपी पोलिसांच्या हाती लागला असला तरी आणखी काही माहिती मिळवण्याचा प्रयत्न पोलीस विभाग करत आहे. अटक करण्यात आलेल्या त्या विकृत नराधमास लवकर न्यायालयात हजर करून पुढील कायदेशीर प्रक्रिया पोलीस करणार आहोत.
काय आणि कसे घडले…
आपल्या कुटुंबियांबरोबर आलेल्या राधिकाला सदर विकृत तरुणाने हेरले. एकटी खेळताना पाहून त्याने राधिका हीला पोंग्याचे आमिष दाखवले आणि तिला मंदिराच्या पलीकडे असलेल्या डोंगरातील ओढ्याजवळ नेले. तिथे गेल्यावर या नराधमाने चिमुकल्या राधिकाच्या शरिरावर अत्याचार करून याची वाच्यता होऊ नये म्हणून निर्दयीपणे तिचा आवळून जीव घेतल्याची माहिती आहे.
व्हाट्सप्प आइकान को दबा कर इस खबर को शेयर जरूर करें
Please Share This News By Pressing Whatsapp Button