चिखली अर्बन बँकेच्या देऊळगाव मही शाखेच्या वतीने मृतकाच्या वारसदारास धनादेश वितरण

MH 28 News Live, देउळगाव मही : महाराष्ट्राच्या सहकार क्षेत्रातील एक अग्रगण्य बॅक म्हणून ओळखल्या जात असलेल्या चिखली अर्बन बॅककडुन खातेदारांना, नागरीकांना कर्ज देण्यासोबतच खातेदारांच्या हितासाठी त्यांचा अपघाती विमा काढला जातो. सदैव सामाजीक बांधीलकी जोपासणारी बॅक म्हणून ओळखल्या जात असलेल्या दि चिखली अर्बन को ऑप बँकेच्या माध्यमातून बचत खाते धारकाच्या व बचत खात्यात एक हजार रुपये असल्यास त्या बचत खाते धारकाचे अपघाती निधन झाल्यास त्याच्या वारसदारास दोन लाख रुपयांचा धनादेश दिला जातो. कुटुंबातील कमविता माणूस अचानक असा अपघातानंतर दगावल्याने त्या कुटुंबासमोर फार मोठे आर्थिक संकट उभे राहते व कधी कधी ते संपूर्ण कुटुंबच उघड्यावर पडते. आपल्या बँकेच्या खातेदारांना मदत मिळावी , आधार मिळावा या उद्देशाने बँकेचे अध्यक्ष सतीश गुप्त यांनी बँकेच्या सर्व प्रकारच्या खातेदारांना विमा संरक्षण प्राप्त करून दिले आहे.

देऊळगाव मही शाखेचे खातेदार रामप्रसाद एकनाथ चेके याचे दुर्दैवाने अपघाती निधन झाले होते . मयत खातेदाराच्या वारसदारास बँकेचे अध्यक्ष सतीश गुप्त यांच्या हस्ते रु २,००,०००/ – रकमेचा धनादेश सुपूर्द करण्यात आला. सदर धनादेश वितरण कार्यक्रम 30 मार्च रोजी देऊळगाव मही शाखेत अध्यक्ष सतीश गुप्त यांचे हस्ते करण्यात आला. यावेळी बँकेचे उपाध्यक्ष पुरुषोत्तम दिवटे, स्थानिक सल्लागार समितीचे सदस्य राजेंद्र डुंगरवाल, अरविंद शिंगणे, शाखाधिकारी कृष्णकुमार पांडे, तुषार क्षीरसागर, सुयोग जोशी, प्रदीप शिंदे, सागर काळे, जितेंद्र गवई, मुंजोबा माघाडे उपस्थित होते.