आ. श्वेताताई महाले यांच्या वतीने नवनिर्वाचित सरपंच व सदस्यांचा शनिवारी सत्कार
MH 28 News Live, चिखली : ग्राम विकासाचा कणा असलेल्या ग्राम पंचायतीचा नुकताच निकाल लागला आहे. यात काही ग्रामपंचायती बिन विरोध तर काही ग्राम पंचायती मध्ये निवडणुका होऊन निवडून आलेल्या नवनिर्वाचित सरपंच आणि ग्राम पंचायत सदस्य यांचा सत्कार शनिवार, दि. २४ डिसेंबर रोजी आ. श्वेताताई महाले यांच्या वतीने करण्यात येणार आहे.
या सत्कार सोहळ्यासाठी प्रसिद्ध हवामान शास्त्र अभ्यासक पंजाबराव डख यांचे प्रमूख मार्गदर्शन लाभणार असल्याने या भव्य सत्कार सोहळ्यात सर्व सरपंच, ग्राम पंचायत सदस्य आणि नागरिकांनी मोठ्या प्रमाणात उपस्थीती लावावी असे आवाहन आयोजकांच्या वतीने करण्यात आले आहे. स्थानिक येथील शिवाजी विद्यालयाच्या भव्य सभागृहात सकाळी ११ वाजता सदर सत्कार सोहळा होणार आहे.
