नक्की वाचा ! Gpay, PhonePe, Paytm वापरत असाल तर ‘UPI’चे हे नवे नियम तुमच्यासाठी महत्त्वाचे – 30 जूनपासून मोठा बदल

MH 28 News Live – डिजिटल व्यवहार आपल्या दैनंदिन जीवनाचा अविभाज्य भाग झाला आहे. किराणा दुकान, मॉल, ऑनलाइन शॉपिंग, बिले भरणे अशा प्रत्येक ठिकाणी Gpay, PhonePe, Paytm आणि BHIM अ‍ॅपसारख्या UPI अ‍ॅप्सचा वापर मोठ्या प्रमाणात केला जातो.

मात्र, जर तुम्ही हे अ‍ॅप्स वापरत असाल, तर ही बातमी तुमच्यासाठी अत्यंत महत्त्वाची आहे. 30 जून 2025 पासून यूपीआय व्यवहारासाठी नवे नियम लागू होणार आहेत. हे नियम नॅशनल पेमेंट्स कॉर्पोरेशन ऑफ इंडिया (NPCI) कडून जारी करण्यात आले असून, डिजिटल पेमेंट प्रणाली अधिक सुरक्षित, पारदर्शक आणि विश्वासार्ह करण्याचा त्यामागचा उद्देश आहे.

काय आहेत नवीन UPI नियम?
NPCI ने जाहीर केलेल्या नव्या नियमानुसार, आता यूपीआय व्यवहार करताना पैसे मिळवणाऱ्या व्यक्तीचे बँकेत नोंदलेले खरे नाव तुम्हाला अ‍ॅपवर दिसणार आहे.
पूर्वी, फोनमध्ये जसे नाव सेव्ह केले असेल तेच दिसत असे – ज्यामुळे अनेकदा फसवणूक करणाऱ्यांना आपली ओळख लपवता येत होती.

पण आता, कोणताही टोपणनाव किंवा दिशाभूल करणारे नाव न दाखवता, बँकेने नोंदवलेले अधिकृत नावच दाखवले जाणार आहे.

यामुळे ग्राहकांना काय फायदा?
फसवणुकीच्या घटना कमी होतील.

पेमेंट करताना तुम्ही योग्य व्यक्तीलाच पैसे पाठवत आहात की नाही याची खात्री करता येईल.

UPI व्यवहारांवरील ग्राहकांचा विश्वास वाढेल.

हे नियम कोणत्या प्रकारच्या व्यवहारांवर लागू होतील?
P2P (Person to Person) – दोन व्यक्तींमधील व्यवहार

P2M (Person to Merchant) – ग्राहक आणि व्यवसाय यांच्यातील व्यवहार

हे नियम कसे काम करणार?
जेव्हा तुम्ही UPI अ‍ॅपमधून पेमेंट कराल (क्यूआर कोड स्कॅन करून, UPI ID किंवा मोबाईल नंबर वापरून), तेव्हा तुम्हाला रिसिव्हरचे बँकेत रजिस्टर्ड असलेले नाव दिसेल.

उदाहरणार्थ, तुम्ही कुणालाही पैसे पाठवत असाल आणि त्याचा UPI ID abc@okaxis आहे, तर पैसे पाठवण्याआधी तुमच्या अ‍ॅपवर “Rahul Patil” असे खरे नाव दिसेल – जर तेच बँकेत नोंदवलेले असेल.

नवीन नियमांच्या पार्श्वभूमीवर सुचना:
तुम्ही UPI व्यवहार करत असताना स्क्रीनवर दिसणारे नाव नीट तपासा आणि खात्री करूनच पेमेंट करा. हा छोटासा बदल तुमच्या पैशाचे मोठे नुकसान होण्यापासून वाचवू शकतो.