जुन्या पेंशनसाठीचा संप; शिपाई, शिक्षक, अकाऊंटंट, क्लार्क ते अधिकारीही कंत्राटी; राज्य सरकारकडून हालचाली सुरू

MH 28 News Live : जुन्या पेंशनची मागणी राज्य सरकाकडून मान्य करून घेण्यासाठी विविध कर्मचारी संघटनांनी १४ मार्चपासून बेमुदत संप पुकारला आहे. या संपाच्या माध्यमातून राज्य सरकारी कर्मचारी सरकारवर आपली मागणी मान्य करून घेण्यासाठी दबाव आणत आहेत. मात्र; राज्य सरकार या दबावाला बळी पडण्याच्या मनस्थितीत नसल्ल्याचे चित्र समोर येत आहे. राज्यसरकारकडून शिपाई, शिक्षक, अकाऊंटंट, क्लार्क ते अधिकाऱ्यांपर्यंतची पदे थेट खासगी एजन्सीच्या माध्यमातून भरण्याच्या हालताची सुरू झाल्या आहेत.

जुन्या पेन्शन योजनेवरून राज्यातील 18 लाख कर्मचारी कालपासून संपावर गेले आहेत. त्याचा अनेकांना फटका बसताना पहायला मिळत आहे. याचदरम्यान राज्य सरकारकडून शिपाई, शिक्षक, अकाऊंटंट, क्लार्क ते अधिकाऱ्यांपर्यंतची पदे थेट खासगी एजन्सीच्या माध्यमातून भरण्याच्या हालताची सुरू झाल्या आहेत. राज्याच्या उद्योग, ऊर्जा व कामगार विभागाकडून हा निर्णय घेण्यात आला आहे. तर ९ एजन्सीजच्या माध्यमातून सरकारी, निमसरकारी अस्थापने, महामंडळांत १३६ प्रकारची पदे भरली जाणार आहेत. तर प्रशासनातील खर्च आटोक्यात ठेवून विकासकामासाठी निधी उपलब्ध व्हावा यासाठी बाह्ययंत्रणेमार्फत कामे करून घेण्याचे सरकारचे धोरण असल्याचे सरकारचे म्हणणे आहे.