मॅक्झिमोच्या धडकेत बाईकस्वाराचा मृत्यू… ठार झालेल्या बाईकस्वाराचा मृतदेह मॅक्झिमो चालकाने पळवण्याचा केला प्रयत्न; साकेगाव नजीकच्या अपघातात मॅक्झिमो चालकासह दोघांवर गुन्हा दाखल

MH 28 News Live / चिखली : शहराच्या दक्षिणेला असलेल्या साकेगाव शिवारात एका मॅक्झिमो चालकाने समोरून येणाऱ्या दुचाकी स्वाराला धडक दिली. या धडकेत दुचाकी स्वार घटनास्थळी ठार झाला. मात्र, मॅक्झिमो चालकाने मयत दुचाकी स्वारीचा मृतदेह आपल्या गाडीमध्ये टाकून तेथून पलायन करण्याचा प्रयत्न केल्याची घटना काल दि. १३ मार्च रोजी सायंकाळी घडली. याप्रकरणी रायपूर पोलीस ठाण्यात मॅक्झिमो चालकासह एकावर गुन्हा दाखल झाला आहे.

सदर अपघाताबद्दल थोडक्यात माहिती अशी की, रमेश त्रंबक इंगळे व हा संजय उत्तमराव इंगळे यांना घेऊन क्र MH 28 BR 8225 क्रमांकाच्या आपल्या मोटर सायकलवरून भडगाव येथून आपले राहते गाव असलेल्या साकेगावकडे दि. १२ मार्च रोजी सायंकाळी ७ : ३० वाजताच्या सुमारास येत होते. हे दोघे साकेगावच्या जवळ असताना विरुद्ध दिशेने येणाऱ्या महिद्रा सुप्रो लोडीग वाहन क्र. MH 28. BB 0399 याचे चालकाने भरधाव वेगाने व निष्काळजीपणाने वाहन चालवुन मोटर सायकलस्वार रमेश त्रंबक इंगळे रा. साकेगाव याच्या बाईकला समोरुन ठोस मारुन गंभीर जखमी केले या जोरदार धडकेमुळे रमेश इंगळे हे घटनास्थळीच ठार झाले. हे पाहून महिंद्रा मॅक्झिमो चालक दत्ता कैलास मेव्हणकर रा. मुंगसरी तालुका चिखली याने मृतक रमेश त्रंबक इंगळे याचे प्रेत संगनमताने गाडीत टाकुन नेत पुरावा नाहीसा
करण्याचा प्रयत्न केला. यामध्ये त्याला सदर गाडीतून प्रवास करणारा मुंगसारी येथीलच रहिवासी असलेला शिवानंद दिलीप इंगळे याने मदत केली.

या घटनेची फिर्याद मयत बाईक स्वाराच्या मागे बसलेल्या संजय उत्तमराव इंगळे याने रोजी रायपूर पोलीस ठाण्यात दाखल केली. प्राप्त झालेल्या तक्रारीवरून रायपूर पोलिसांनी दत्ता कैलास मेव्हणकर व शिवानंद दिलीप इंगळे या दोघांविरुद्ध विविध कलमांअंतर्गत गुन्हा दाखल केला असून या प्रकरणाचा पुढील तपास हेड कॉन्स्टेबल ऋषिकेश पालवे करत आहेत.