एसटी भरतीच्या २०१९ मधील २६३ उमेदवारांचे प्रशिक्षण पुढील आठवड्यात सुरू करणार – विभाग नियंत्रक

MH 28 News Live, चिखली : सरळ सेवा भरती मधील ४०१ निवड झालेल्या पैकी प्रशिक्षण झालेल्या १३२ वाहन चालक यांना नियुक्त्या मिळाल्या असून उर्वरित २६३ उमेदवारांचे प्रशिक्षण पुढील आठवड्यात सुरू करणार अशी माहिती विभाग नियंत्रक चेतन हसबनीस यांनी दि. ३१ /डिसेंबर रोजी मनसेच्या शिष्टमंडळास दिली.

दुष्काळग्रस्त जिल्ह्यातील शेतकऱ्या च्या मुलांसाठी महाराष्ट्र शासनाने २०१९ मध्ये महाराष्ट्र राज्य परिवहन महामंडळ २०१९ मधील सरळ सेवा भरतीप्रक्रिया पूर्ण करून ४०१ उमेदवारांची निवड केली होती त्या मधील १३८ उमेदवारांचे प्रशिक्षण पूर्ण करून त्यांना नियुक्त्या मिळालेल्या असून उर्वरित २६३ उमेदवारांच्या प्रशिक्षण संदर्भात महाराष्ट्र नवनिर्माण सेनेचे राज्य उपाध्यक्ष व बुलडाणा, अकोला व वाशीम जिल्ह्याचे संपर्क अध्यक्ष विठ्ठल लोखंडकार यांच्या मार्गदर्शनाखाली महाराष्ट्र नवनिर्माण शेतकरी सेनेचे जिल्हा संघटक शैलेश गोंधणे यांच्या नेतृत्वाखाली, विद्यार्थी सेना जिल्हाध्यक्ष शैलेंद्र कापसे, वाहतूक सेनेचे जिल्हा उपाध्यक्ष नारायण देशमुख, बुलडाणा तालुकाध्यक्ष अमोल रिंढे,मनवीसे चिखली तालुकाध्यक्ष स्वप्नील असोले यांच्या प्रमुख उपस्थिततीत चर्चा झाली.

प्रशिक्षण बाकी असलेल्या उर्वरित २६३ उमेदवारांचे प्रशिक्षण कधी सुरू करणार या बाबत विभाग नियंत्रक यांच्याशी सकारात्मक चर्चा केली. चर्चेत जिल्ह्यातील ग्राम पंचायत निवडणूकीच्या आचार संहितेमुळे प्रशिक्षण सुरू करता आले नाही म्हणून उशीर झाला, आता येत्या आठवड्यात प्रशिक्षण सुरू करू, लवकर प्रशिक्षण व्हावे म्हणून जादा गाड्या व प्रशिक्षकाची सुध्दा व्यवस्था करू असे विभाग नियंत्रक चेतन हसबनीस यांनी या प्रसंगी सांगितले.

या वेळी अर्जुन खंडागळे,विठठल केदार, सचिन गवई, दिपक धनवे, निलेश लंबे, अरूण शेळके, योगेश भोकरे भास्कर ढगे, गणेश चेंडाळने, विनायक देशपांडे, शरद घुगे, गजानन काळे, भागवत हुडेकर,अस्तिक साखळे, गणेश सपकाळ, दिपक खैरे, शेषराव कोकाटे, अरुण भास्कर, जगदिश शेळके, हर्षल किरडे, विनायक देशपांडे व इतर प्रशिक्षनार्थी हजर होते.