वंचित बहुजन आघाडी मध्ये पॅंथर तालुका अध्यक्षांसह कार्यकर्त्यांचा जाहीर प्रवेश

MH 28 News Live, लोणार : वंचित बहुजन आघाडी (युवा) मुलाखत प्रक्रिया आणि आढावा बैठक पार पडली. या कार्यक्रमात ऑल इंडिया पॅंथर सेनेचे तालुकाध्यक्ष यांनी कार्यकर्त्यांसह वंचित बहुजन आघाडी मध्ये युवा जिल्हाध्यक्ष सतीश पवार यांचे हस्ते प्रवेश केला.

ज्येष्ठ नेते भाई महेंद्र पनाड, वंचित बहुजन आघाडीचे तालुकाध्यक्ष दिलीप राठोड यांच्या नेतृत्वावर विश्वास ठेवून तालुकाध्यक्ष सचिन लांडगे यांनी त्यांच्या तमाम कार्यकर्त्यांसह वंचित मध्ये प्रवेश घेतला व यापुढे श्रद्धेय बाळासाहेब आंबेडकर यांच्या विचारधारेनेच आपण वाटचाल करू असा विश्वास व्यक्त केला जिल्हा युवा अध्यक्ष सतीश पवार यांनी सचीन लांडगे यांचे वंचित मध्ये स्वागत केले त्यांना वंचित मध्ये आणण्यासाठी सुनील इंगळे, बळी मोरे महासचिव यांनी महत्त्वपूर्ण भूमिका पार पाडली. जिल्हा संघटक बाळाभाऊ राऊत यांनी सर्व प्रवेशितांचे वंचित मध्ये मनःपूर्वक स्वागत केले व पक्ष वाढीसाठी तरुणांचा सहभाग महत्त्वाचा आहे हे समजावून सांगितले. तरुणांनी मोठी स्वप्ने पहावी बेरोजगारी असंघटित कामगार यांच्यासाठी लढावे त्या सोबतच राजकारण खिलाडू वृत्तीने करावे असे आवाहन केले.

यावेळी जेष्ठ नेते भाई महेंद्र पनाड तालुकाध्यक्ष दिलीप राठोड जिल्हा उपाध्यक्ष विनायक मापारी बळी मोरे महासचिव यांनी उपस्थितांना मार्गदर्शन केले कार्यक्रमाचे सूत्रसंचालन सुनील इंगळे यांनी केले तर युवा नेते गौतम गवई यांनी उपस्थित आणि प्रवेशितांचे आभार मानले. प्रा.शिवप्रसाद वाठोरे ,संजाब पनाड, सुरेश मोरे ,देवानंद नरवाडे, शेख इमरान, बद्री घुले, प्रशिक इंगळे ,संजय नेवरे, संतोष शंकरराव मापारी, रोशन अंभोरे, समाधान डोके, प्रवीण कळंबे, महेंद्र लहानू मोरे, अनिल राठोड, मंगेश मोरे, दयानंद कांबळे, नितीन नरवाडे ,रमेश प्रधान ,सर्जेराव मोरे आदी यावेळी हजर होते.