आ. श्वेताताई महाले ठरल्या लोकमतच्या ‘ महाराष्ट्रीयन आँफ द इयर ‘ च्या मानकरी. मुंबईत झाला मान्यवरांच्या हस्ते सन्मान

MH 28 News Live, चिखली : केवळ चिखली मतदारसंघ किंवा बुलढाणा जिल्हा नव्हे तर संपूर्ण महाराष्ट्रात अल्पवधीतच आपल्या कार्यकर्तुत्वाची छाप पाडणार्या आमदार श्वेताताई महाले लोकमत वृत्तपत्र समुहाकडून युवा राजकारणी या गटातील ‘ महाराष्ट्रीयन ऑफ द इयर ‘ या पुरस्काराच्या मानकरी ठरल्या. दि. २६ एप्रिल रोजी मुंबई येथे मान्यवरांच्या हस्ते समारंभपूर्वक प्रदान करण्यात आला.

लोकमत वृत्तपत्र समुहाकडून दरवर्षी ‘ ‘महाराष्ट्रीयन ऑफ द इयर’ हा पुरस्कार देण्यात येतो. या पुरस्कारासाठी ऑनलाईन मत घेण्यात येते. यावर्षी युवा राजकारणी या गटातून आ. श्वेताताई महाले यांची या पुरस्कारासाठी निवड झाली. २६ एप्रिल रोजी केंद्रीय विमान मंत्री ज्योतीरादित्य शिंदे, शिवसेनेचे सचिव मिलिंद नार्वेकर, आमदार सचिन अहिर व लोकमतचे चेअरमन विजय दर्डा यांच्या हस्ते एका समारंभात हा पुरस्कार आ. श्वेताताई महाले यांची देण्यात आला.

समाजसेवेसाठी युवकांनी राजकारणात यावे – आ. श्वेताताई महाले

लोकमत वृत्तपत्र समूहातर्फे महाराष्ट्रीयन आँफ द इयर या पुरस्कारासाठी आपली निवड केल्याबद्दल लोकमत समूह आणि ज्युरींचे आ. श्वेताताई महाले यांनी आभार मानले. या पुरस्काराच्या निमित्ताने गेल्या तीन वर्षात आपण मतदारसंघात केलेल्या विकासकामांची दखल लोकमतने घेतली याबद्दल आ. महाले यांनी आपल्या मनोगतातून आनंद व्यक्त केला. समाजसेवेच्या उद्देशाने युवकांनी राजकारण यावे असे आवाहन आ. श्वेताताई महाले यांनी या प्रसंगी बोलताना केले.