नांदेड ते शेगांव भारतजोडो पदयात्रेत चिखलीतून पदाधिकारी सहभागी

MH 28 News Live, चिखली : दिवसेदिवस बहुप्रचलीत ठरत असलेल्या ऐतिहासीक भारतजोडो यात्रेत आपला सहभाग नोंदविण्याकरीता बुलडाणा जिल्हा कॉग्रेस कमिटीचे अध्यक्ष माजी आमदार राहुल बोंद्रे यांच्या निर्देशानुसार चिखली शहरामधून माजी नगरसेवक सचिन बोंद्रे, माजी प्रसिद्धी प्रमुख किशोर कदम आणि विजय भोयर हे देगलुर नांदेड येथून प्रदेश यात्री म्हणून भारत जोडो यात्रेत सहभागी झाले आहेत.

या यात्रेत दिवसागणीक सहभागी होणा-या यात्रेकरूंची संख्या वाढतच आहे. भारत जोडो यात्रेच्या प्रवासात हजारो यात्रेकरू कॉग्रेस नेते खासदार राहुल गांधी यांच्या सोबत चालत आहेत. रस्त्याच्या दुतर्फा अबाल वृध्द पुरूष, महिलांची अलोट गर्दी उसळल्याचे पाहवायास मिळत आहे. खासदार राहुलजी गांधींनी देषाचे संविधान वाचविण्याबरोबरच देशातील नागरीकात सर्वधर्म समभाव बंधुत्वाची भावना निर्मीती वाढीस यावी म्हणुन कन्याकुमारी ते काश्मिर हया भारतजोडो यात्रेचे आयोजन केले आहे. राष्ट्रीय स्तरावरील असामान्य नेतृत्व सुरक्षा व्यवस्थेचे कवच बाजुला सारून या प्रवासात सर्व सामान्यांषी एकरूप होतांना, त्यांच्याशी चर्चा करतांना दिसुन येत असतांनाचे कुतूहल या मानसाच्या मोठया दिलाचे दर्षन घडवून जात आहे. त्याचबरोबर राहुल गांधी रस्त्याच्या दुतर्फा असलेल्या शेतीमध्ये रब्बी हंगामाच्या पेरणीत मषगूल असलेल्या बळीराजाला आलिंगण देवून त्याच्या जगण्याला उभारी देतांना देसून येतात. खासदार राहुल गांधी यांच्या स्वागतासाठी भल्यामोठया कमानी उभ्या करण्यात आल्या असून पदयात्रेकरूंना पाणी, फळवाटप, नियोजनबध्द पध्दतीने करण्यात येत असतांना वयोवृध्द महिला राहुल गांधीच्या डोक्यावरून मायेचा हात फेरतानांचे दृष्य डोळयाचे पारणे फेडतात अशा स्वरूपाची प्रतिक्रीया कॉग्रेसचे युवा नेते तथा कृषीमित्र सचिन बोंद्रे यांनी याप्रसंगी भ्रमणध्वनीवरून बोलतांना व्यक्त केली. तरूणांनी भारत जोडो यात्रेत मोठया संख्येने सहभागी होवून खासदार राहुल गांधी यांचे हात बळकट करावे असे आवाहनही यावेळी सचिन बोंद्रे यांनी केले आहे.