गुरुमाऊली अर्बन व परिवार यांचे कार्य कौतुकास्पद: हवामान तज्ञ पंजाबराव डख

MH 28 News Live, लोणार : गुरुमाऊली अर्बन व गुरुमाऊली परिवार यांचे कार्य हे कौतुकास्पद असल्याचे प्रतिपादन प्रसिद्ध हवामान तज्ञ पंजाबराव डख यांनी गुरुमाऊली अर्बन व परिवाराकडून आयोजित सत्कार समारंभात केले.

पंजाबराव डख पुढे म्हणाले की; विदर्भामध्ये दौऱ्यावर जात असताना एका शेतामध्ये शेतकरी ट्रॅक्टर चालवत होता त्यावेळी ट्रॅक्टर शेती उपयोगी अवजार बघितले व थांबलो व त्याबाबत अधिक चौकशी केली असता गुरुमाऊली परिवाराच्या वतीने गुरुमाऊली स्टील वर्क (G.S.W.) कंपनीचे शेती उपयोगी अवजारे बघितले संपूर्ण महाराष्ट्रभर दौरे करीत असताना एकही शेतकऱ्यांच्या उपयोगी असणारे व शेतकऱ्याला फायदा पोहोचवणारे एकही शेती उपयोगी साहित्य निदर्शनास आले नाही मात्र हे बघितल्यावर जिथे हे शेती उपयोगी साहित्य तयार होतात. त्याला भेटण्याचा मोह आवरला नाही व प्रत्यक्ष या गुरु माऊली स्टील वर्क (जीएसडब्ल्यू) चे संचालक भागवत भाऊ जाधव यांना भेट देत सविस्तर माहिती घेतली व स्वतः शेतकरी असल्याने ते साहित्य तात्काळ खरेदी सुद्धा केले. त्यानंतर अधिक माहिती घेतली असता गुरुमाऊली अर्बन हे शेतकऱ्यांसाठी व सामान्य नागरिकांसाठी काम करत असून या गुरुमाऊली बँकेचे संस्थापक अध्यक्ष सुदाम जाधव यांच्या बाबतीत बरेच ऐकले होते, शेतकऱ्यांना व गोरगरिबांना नेहमींना मदतीचा हात देणारे दातृत्व स्वतः बघण्याचा योग आला असेही पंजाबराव डख म्हणाले यावेळी गुरुमाऊली अर्बन पतसंस्था व गुरुमाऊली परिवाराच्या वतीने प्रसिद्ध हवामान तज्ञ पंजाबराव डख यांचा सत्कार करण्यात आला.

यावेळी गुरुमाऊली अर्बन पतसंस्थेचे संस्थापक अध्यक्ष सुदाम जाधव, ओम जाधव, शिवशंकर भारत गॅसचे व्यवस्थापक संतोष कुलाळ, पप्पू खान, गौतम मोरे, फकीरा सोनूने, रवी घायाळ, वैभव घायाळ, झहीर खान, गजानन राऊत, राहुल खरात, गोपाल वाणी, जुबेर शेख गुरुमाऊली अर्बनचे व्यवस्थापक अमोल कडाळे, दीपक हांगे, आकाश घायाळ, केदार व्यास वैभव देशमुख, वझर आघाव येथील सधन कास्तकार रमेश घुगे, पत्रकार राहुल सरदार उपस्थित होते.