मेहकर तालुक्यातही शेतकऱ्यांची फसवणूक. ढवळे परिवारावर गुन्हे दाखल करा – स्वाभीमानी शेतकरी संघटनेची मागणी

MH 28 News Live, मेहकर : मेहकर.तालुक्यातील शेतकऱ्यांचे पैसै बुडवून पळुन जाणाऱ्या अडते कैलास राधाकृष्ण ढवळे, आशिष कैलास ढवळे व सौ,किरण कैलाश ढवळे सर्व राधाकृष्ण नगर देऊळगाव साकर्शा ता. मेहकर जिल्हा बुलढाणा यांनी देऊळगाव साकर्शा व परिसरातील ३०९ शेतकऱ्यांची फसवणूक केली असून यांच्यावर गुन्हा दाखल करून अटक करणे बाबत जानेफळ पोलीस स्टेशन येथे तक्रार देण्यात आली.

कैलास राधाकृष्ण ढवळे आशिष कैलास ढवळे सौ, किरण कैलास ढवळे सर्व राहणार राधाकृष्ण नगर देऊळगांव साकर्शा तालुका मेहकर जिल्हा बुलढाणा रहिवासी असुन यांनी या भागातील शेतकऱ्यांची तीन महिन्यापुर्वी सोयाबीन खरेदी करून त्यांना आरटीजीएस करतो म्हणून सांगितले व काही लोकांना बुलढाणा अर्बनचे खोटे चेक दिले व शेतकऱ्याकडून माल खरेदी करून दुसरीकडे विक्री केला तरी सुद्धा या शेतकऱ्यांचे पैसे अद्याप पर्यंत या व्यक्तींनी दिलेले नाहीत तरी या परिसरातील असे तीनशे नऊ शेतकरी असून यांची जवळपास ११ कोटीची फसवणूक झाल्याचे दिसून येते तरी यांच्यावर फसवणुकीचा 420 सह प्रचलित कायद्यानुसार यांच्यावर फौजदारी कारवाई करून तात्काळ अटक करावी व शेतकऱ्यांचा मालाचे हक्काचे पैसे परत मिळण्यासाठी सहकार्य करावे अशी विनंती या तक्रारीत करण्यात आली आहे.

सदर व्यक्ती अवैधपणे सावकारी करत असतो व शेतकऱ्यांना धमक्या देतो तरी यापैकी एकाही शेतकऱ्यांला काही झाल्यास संबंधित व्यक्ती जबादार राहतील व कायदा सुव्यस्थेचा प्रश्न निर्माण होऊ नाही. गावातील वातावरण सध्या खराब आहे. सदर व्यक्ती हा शेतकऱ्यांना दमदाटी करतो. तरी यावर तात्काळ कार्यवाही करावी. यासाठी एक शोधपथक तयार करुन तात्काळ अटक करावे अशी मागणी स्वाभिमानी शेतकरी संघटना जिल्हाध्यक्ष डाॕ.ज्ञानेश्वर टाले यांनी केली आहे. तक्रारीच्या प्रती जिल्हाधिकारी, जिल्हा पोलीस अधिक्षक, सहाय्यक निबधंक मेहकर, उपविभागीय पोलीस अधिकारी मेहकर यांना देण्यात आल्या. यावेळी देवेंन्द्र आखाडे, गोपाल सुरडकर, कैलास ऊतपुरे, सुरेश खरात, शिवाजी डव्हळे, प्रवीण उतपुरे व पिडीत शेतकरी कार्यकर्त्ते उपस्थित होते.