जीवनविद्या मिशनतर्फे प्रबोधन कार्यक्रमाचे आयोजन

MH 28 News Live, चिखली : सदगुरु श्री वामनराव पै जन्मशताब्दी वर्षा निमित्ताने दिनांक 12 ते १३ नोव्हेंबर २०२२ या कालावधीत जीवनविद्या मिशन मलकापूर शाखा चिखली तालुक्यात सदगुरु श्री वामनराव पै निर्मित जीवन विद्या मिशनच्या माध्यमातून सर्वसामान्य माणसाचे जीवन सुखी आणि यशस्वी होण्यासाठी ग्रंथदिंडी व प्रबोधनाचा कार्यक्रम आयोजित करण्यात आला आहे.

सध्याच्या धकाधकीच्या जीवनात सामान्य माणूस आपले सर्वस्व हरवून बसला आहे. नैतिकतेचा ऱ्हास झालेल्या जीवनात तो दिवसेंदिवस सुख,समाधान व शांती यापासून वंचित झाला आहे. सदगुरु श्री वामनराव पै यांच्या तत्वज्ञानाने दु:खी व कष्टी जीवांना संजीवनी मिळाली आहे. प्रत्येक माणसाने यशस्वी जीवन जगावे ह्यासाठी शाखेच्या माध्यमातून ग्रंथदिंडी व प्रबोधनाच्या अश्या विविध कायक्रमांचे आयोजन करण्यात आले आहे , तरी चिखली तालुक्यातील नागरिकांनी शनिवार दिनांक 12 व रविवार दिनांक 13 नोव्हेंबरला , जिजाऊ नगर , गणेश मंदिर चिखली , संध्याकाळी ०७.०० ते ०९.०० या वेळेत कार्यक्रमाचा अवश्य लाभ घ्यावा असे आव्हान पुरुषोत्तम टेकाळे व गजानन जवरकर यांनी केले आहे.