रक्तदानाद्वारे मनसे कार्यकर्ते चिखलीत करणार राज ठाकरे यांचा वाढदिवस साजरा

MH 28 News Live, चिखली : महाराष्ट्र नवनिर्माण सेना बुलढाणा जिल्ह्याच्या वतीने दि.१४ जून २०२२ रोजी पक्षाचे अध्यक्ष राज ठाकरे यांच्या वाढदिवसानिमित्त वेगवेगळ्या उपक्रमांचे आयोजन करण्यात आले आहे.

राज ठाकरे यांना दीर्घायुष्य लाभावे यासाठी चिखली शहराचे आराध्य दैवत श्री रेणुका मातेच्या चरणी सकाळी १० वाजता पातळ अर्पण करण्यात येणार आहे. तसेच मनसे जनसंपर्क कार्यालय चिखली येथे सकाळी १० वाजेपासून भव्य रक्तदान शिबिर ठेवण्यात आले असून या महा रक्तदान शिबिरात रक्तदान करून कोणत्याही गरजू रुग्णांना रक्ताची कमतरता भासू नये म्हणून प्रामुख्याने युवक वर्गानी रक्तदान करूण दिनदुबळया गरजु रुग्णांचे प्राण वाचवुन समाजाप्रति निष्ठा राखावी असे आवाहन मनसे जिल्हाध्यक्ष गणेश बरबडे, उपजिल्हाध्यक्ष राजेश परिहार, तालुकाध्यक्ष विनोद खरपास, शेतकरी सेलचे जिल्हा संघटक शैलेश गोंधने, मनविसे जिल्हाध्यक्ष शैलेंद्र कापसे, शेतकरी सेलचे जिल्हाध्यक्ष प्रदीप भवर, जिल्हा सचिव डॉ. योगेश काळे यांनी केले आहे.