पेनटाकळी प्रकल्पावरील शेतीपंपाचे तांब्याच्या केबलची चोरी. चोरट्यांना गजाआड करुण शेतकऱ्यांना न्याय द्या. स्वाभिमानीची मागणी

MH 28 News Live, चिखली : भोरसा भोरसी येथील१७ शेतकरी यांचे शेतीपंपाचे तांब्याचे केबल (वायर) दि. १७ मार्च रोजी रात्रीच्या सुमारास चोरट्यानी पळवल्याची घटना समोर आली आहे. या प्रकरणी शेतकऱ्याना न्याय देण्यात व चोरट्यांना गजाआड करण्यात यावे,अशी मागणी भोरसा भोरसी येथील शेतकऱ्यांसह स्वाभिमानी शेतकरी संघटनेचे विनायक सरनाईक यांनी दि. १८ मार्च २०२२ रोजी अमडापूर पोलीस स्टेशन गाठून पोलीस निरीक्षक यांच्याकडे केली आहे.

तालुक्यातील भोरसा भोरसी येथिल शेतकरी देवदरी शिवारातील पेनटाकळी प्रकल्पातुन पाणी उपसा करतात दरम्यान १७ मार्च
रोजीच्या रात्री देवदरी या शिवारतून भोरसा भोरसी येथील एकुण १७ शेतकऱ्यांचे शेतीपंपाचे तांब्याचे वायर, स्टाटर अज्ञात चोरट्यांनी पळवल्याची घटना उघडकीस आली. यामध्ये काहींचे १००, २०० व ३०० फुट ताब्यांचे वायर चोरीस गेले असून शेतकऱ्यांचे अंदाजे दोन ते अडीच लाख रुपयांचे नुकसान झाले.

या प्रकरणी तपास करुन शेतकऱ्यांना न्याय देण्यात यावा,व चोरट्यांना गजाआड करण्यात यावे अशी मागणी स्वाभिमानीचे शेतकऱ्यांसह विनायक सरनाईक यांनी अमडापूर पोलीस स्टेशनचे पोलीस निरीक्षक यांच्याकडे केली आहे. याबाबतची सविस्तर तक्रार देखील शेतकऱ्यांनी पोलीस स्टेशनकडे दाखल केली आहे. याचा तपास ठाणेदार यांनी बिट अमलदार तोंडे यांच्याकडे दिला असून शेतकऱ्यांना न्याय देण्याचे अश्वासन देण्यात आले आहे. यावेळी स्वाभिमानीचे विनायक सरनाईक, संतोष शेळके, साहेबराव मुरकुटे, भारत मुरकुटे, किसन शिंगणे, भिकाजी ढोरे, गजानन मुरकुटे, विश्वास फाटे, समाधान पाटील, अरुण मुरकुटे, पांडुरंग भुसारी (तंटामुक्ती अध्यक्ष), बद्री मुरकुटे, शे. बबलू,
प्रमोद ढोरे यांच्यासह शेतकरी उपस्थित होते.