२०२२ साठी जिल्हात ह्या तीन स्थानिक सुट्ट्या झाल्या जाहीर

MH 28 News Live, बुलडाणा : शासन निर्णय १६ जानेवारी १९५८ व ६ ऑगस्ट १९५८ नुसार विहीत करण्यात आलेल्या अधिकारानुसार जिल्हाधिकारी यांनी जिल्ह्याकरीता सन २०२२ या वर्षासाठी तीन स्थानिक सुट्ट्या जाहीर केल्या आहेत.

त्यामध्ये नारळी पौर्णिमा (रक्षाबंधन) गुरूवार ११ ऑगस्ट , पोळा शुक्रवार २६ ऑगस्ट व लक्ष्मीपुजनचा दुसरा दिवस मंगळवार, २५ ऑक्टोंबर रोजी असलेल्या सुट्टयांचा समावेश आहे. स्थानिक सुट्टी ही संपूर्ण बुलडाणा जिल्ह्याकरीता लागू असणार आहे. मात्र दिवाणी, फौजदारी न्यायालये व अधिकोष यांना लागू होणार नाही, असे जिल्हाधिकारी कार्यालयाच्या आस्थापना विभागाने कळविले आहे.