कोरोना अलर्ट : जिल्ह्यात आजचे पॉझीटीव्ह ‘शून्य’

MH 28 News Live, बुलडाणा : पॉझीटीव्ह रूग्णसंख्येने जिल्हा वासियांना आज 50 व्यांदा शून्याचा अनुभव दिला आहे. मात्र तरीही जिल्ह्यात उपचार घेत असलेले 16 सक्रीय रूग्ण आहे. त्यामुळे जिल्हावासियांनी मास्क वापरणे, हात वारंवार स्वच्छ धुणे किंवा सॅनीटाईज करणे व सामाजिक अंतराच्या नियमांचे पालन करणे या त्रि सुत्रींचा अवलंब करावा. तसेच पात्र लाभार्थ्यांनी कोविड लसीकरण करून घ्यावे, असे आवाहन प्रशासनाच्या वतीने करण्यात आले आहे.

प्रयोगशाळेत तपासणीसाठी पाठविलेल्या व रॅपिड चाचणी द्वारे तपासलेल्या अहवालांपैकी एकूण 50 अहवाल प्राप्त झाले आहेत. त्यापैकी आज एकही पॉझीटीव्ह रूग्ण आढळून आला नाही. सर्वच 50 अहवाल कोरोना निगेटिव्ह प्राप्त झाले आहे. निगेटीव्ह अहवालामध्ये प्रयोगशाळेतील 46 व रॅपिड चाचणीमधील 4 अहवालांचा समावेश आहे. अशाप्रकारे 50 अहवाल निगेटीव्ह आहेत. तसेच उपचारा अंती कोरोणामुक्त झाल्यामुळे 5 रुग्णांना सुट्टी देण्यात आली आहे.

त्याचप्रमाणे आजपर्यंत 804346 रिपोर्ट निगेटिव्ह प्राप्त झाले आहेत. त्याचप्रमाणे आजपर्यंत 98296 कोरोनाबाधीत रुग्ण कोरोना निगेटिव्ह असल्यामुळे त्यांना वैद्यकीय प्रोटोकॉलप्रमाणे सुट्टी देण्यात आली आहे. अशाप्रकारे सुट्टी देण्यात आलेल्या रूग्णांची एकूण संख्या 98296 आहे. आज रोजी 41 नमुने कोविड निदानासाठी घेण्यात आले आहेत. आजपर्यंत एकूण निगेटिव्ह अहवाल 804346 आहेत. जिल्ह्यात आज अखेर एकूण 99000 कोरोनाबाधित रूग्ण असून त्यापैकी 98296 कोरोनाबाधीत रूग्णांनी कोरोनावर मात केल्यामुळे त्यांना वैद्यकीय प्रोटोकॉलप्रमाणे सुट्टी देण्यात आली आहे. त्यामुळे जिल्ह्यात सद्यस्थितीत कोविडचे 16 सक्रीय रूग्ण उपचार घेत आहेत. तसेच आजपर्यंत 688 कोरोना बाधीतांचा मृत्यू झाला आहे, अशी माहिती निवासी उपजिल्हाधिकारी यांनी दिली आहे.