‘ तो ‘ बेकायदेशिर बायो डिझेल पंप तात्काळ बंद करा – मनसेची मागणी
MH 28 News Live / चिखली : तालुक्यातील मोजे भानखेड गावा नजीक हॉटेल संजिवनी जवळ मलकापुर सोलापुर राज्य महामार्ग ७५३A लगत अज्ञात व्यक्तीने बेकायदेशिर रित्या बायोडिझेल पंप सुरु केला असुन त्या ठिकाणी सर्रासपणे डिझेलची विक्री केल्या जात आहे.
सदरचा पंपा हा राज्य महामार्गालगत सुरु असुन ज्वालाग्रही पदार्थ विक्री करीता लागणाऱ्या कोणत्याही नियमावलींचे पालन न करता हा पंप सुरु आहे. त्यामुळे सदर बेकायदेशिर रित्या सुरु असलेला पंप तात्काळ बंद करण्यात यावा या मागणीसाठी महाराष्ट्र नवनिर्माण सेनेच्या वतीने दि. ४ जुन रोजी जिल्हा पुरवठा अधिकारी, बुलढाणा यांना निवेदन देण्यात आले आहे. त्यावेळी मनसे बुलढाणा उप जिल्हाध्यक्ष राजेश परिहार, मनसे शेतकरी सेनेचे जिल्हाध्यक्ष प्रदीप भवर, तालुका सचिव प्रवीण देशमुख, मनसे चिखली शहर अध्यक्ष नारायण बापू देशमुख उपस्थित होते.
