सासरच्या मंडळीकडून फारकत घेण्यासाठी दबावामुळे तरूणाची गळफास लावून आत्महत्या. धामणगाव बढे येथील घटना. सात आरोपींवर गुन्हे दाखल

MH 28 News Live, धामणगाव बढे : येथिल वार्ड नं ३ मधील संतोष देविदास अधीकार वय ३८ वर्ष रा. धा.बढे ता.मोताळा शेतमजुर हा दि.२८ मार्च रोजी सकाळी ६ ते ७-३० वा.दरम्यान गावाचे शिवारातील अविनाश मोदे यांचे शेतात बेहड्याच्या झाडाला नायलोनच्या दोरीने गळफास घेवुन ३८ वर्षीय संतोष मृत अवस्थेत दिसुन आला. याची माहीती धा.बढे पो.स्टे ला मिळताच सपोनि चंद्रकांत ममताबादे सह पोलीस कर्मचारी घटनास्थळी दाखल झाले घटनेचे परिक्षण व पंचनामा करुन शव विच्छेदनादनासाठी सामान्य रुग्णालयात पाठवण्यात आले.

या घटनेच्या फिर्यादीतील गांभिर्य पाहता फिर्यादी नुसार मृतकाची पत्नी व तिचे सहकारी नातेवाईक यांचे विरुध्द मृतकास फारकत घेण्यासाठी दबावासह ५० हजार रुपयांची मागणी करत होते. त्यामुळे संतोष हा मानसिक दबावाखाली वावरत होता. याच मनस्थितीत व मानसिक त्रासाला कंटाळुन आत्महत्या केल्याचे बोलले जात आहे. या प्रकरणी पोलिसांनी आरोपीची पत्नी मनिषा संतोष अधीकार , रेखाबाई भालेराव, अशोक लालचंद्र भालेराव, दीपक भालेराव, मालू भालेराव, संजय वडर, गोविंदा गोसावी सर्व रा.जळगाव खांनदेश यांचे विरुध्द अप.क्रं.व कलम – ८० /२२ कलम ३०६, ५०६, ३४ भा.द.वि प्रमाणे गुन्हा दाखल करण्यात आला आहे.

पुढील तपास धा.बढे पो.स्टे चे सपोनि चंद्रकांत ममताबादे करित आहेत. मृतकाचे पच्छात वयस्क निसहाय आई २ लहान मुली असुन घरची परिस्थिती हलाखीची व हातमजुरीवच असल्याने घराचा आधार हरवल्याने हे कुटुंब उघड्यावर आले याची हळहळ सर्वत्र व्यक्त होत आहे