दुसराही मुलगा झाल्याच्या म्हणून सासरच्यांनी केली मारहाण ; तिने विषप्राशन करून केला आत्महत्येचा प्रयत्न

MH 28 News Live, खामगाव : तालुक्यातील अटाळी येथील रहिवासी सौ. संगिता ज्ञानेश्वर करणकार (२३) हीला दुसराही मुलगा झाल्याच्या कारणावरून सासरच्या मंडळी व तिच्यात बोलचाल झाली होती. सासरच्या मंडळींना दसरी मुलगी पाहिजे होती. विवाहीतेला दुसराही मुलगा झाल्याच्या कारणावरून पती, ज्ञानेश्वर करणकार याने तीला धरून ठेवले व इतर तिघांनी संगनमत करून तीला लाथाबुक्क्यांनी मारहाण केली. त्यामुळे तिला मनस्ताप झाला होता व तिने विषारी औषध प्राशन केले.

संगिता करणकार हीचा मुलगा श्रेयस याच्या वाढदिवसानिमित्त ३१ जानेवारी २०२३ रोजी तिचा पती ज्ञानेश्वर एकनाथ करणकार (२७), सासु श्रीमती सुनंदा एकनाथ करणकार (५०) दोन्ही रा. टेंभुर्णा ता. खामगाव, नणंद सौ. मिरा संतोष कवळकार (३५) रा. नादखेड टाकळी ता. बाळापुर जि. अकोला व नगद सौ. अर्चना ओंकार गव्हाळे (३२) रा. भोईपुरा शेगाव हे अटाळी येथे आले होते. वाढदिवसाचा कार्यक्रम झाल्यानंतर सौ. संगिता करणकार हीला दुसराही मुलगा झाल्याच्या कारणावरून सासरच्या मंडळी व तिच्यात बोलचाल झाली होती. सासरच्या मंडळींना दसरी मुलगी पाहिजे होती. विवाहीतेला दुसराही मुलगा झाल्याच्या कारणावरून पती, ज्ञानेश्वर करणकार याने तीला धरून ठेवले व इतर तिघांनी संगनमत करून तीला लाथाबुक्क्यांनी मारहाण केली. त्यामुळे तिला मनस्ताप झाला होता व तिने विषारी औषध प्राशन केले. तिला त्वरीत सामान्य रुग्णालयात भरती करण्यात आले. पोहेकॉ सुनिल राऊत यांनी सा. रूग्णालयात जावुन सौ. संगिता करणकार हीचा जबाब नोंदवुन घेतला. सौ. संगिता ज्ञानेश्वर करणकार यांच्या तर्फे पोहेकॉ सुनिल राऊत यांनी खामगाव ग्रामिण पोस्टेला दिलेल्या फिर्यादीवरून उपरोक्त आरोपीविरूध्द कलम ४९८अ ३२३, ५०४, ३४ भादंवि अन्वये गुन्हा दाखल केला असुन पुढील तपास सुरू आहे.