चारबन येथील शिक्षकांचा पालकमंत्री राजेंद्र शिंगणे यांच्या हस्ते सत्कार

MH 28 News Live, जळगाव जामोद : बुलडाण्याचे पालकमंत्री तथा अन्न व औषधी प्रशासन मंत्री राजेंद्र शिंगणे यांनी आदिवासी दुर्गम भागातील चारबन शाळेच्या शिक्षकांचा प्रमाणपत्र देऊन जळगांव जा येथे ऐका कार्यक्रमात सत्कार केला.

जळगांव जामोद तालुक्यातील दुर्गम, डोंगराळ भागातील आदिवासी बांधव कुठलेही लसीकरण, मतदान यासारख्या राष्ट्रीय कार्यक्रमाना सहजासहजी प्रतिसाद देत नाही त्यामुळे चारबन शाळेतील शिक्षक कोरोना लसीकरण जनजागृती, पल्स पोलिओ जनजागृती, मतदान जनजागृती, आगळा वेगळा शाळा प्रवेशोत्सव असे विविध उपक्रम राबवून विद्यार्थांना ज्ञानदनासोबत गावातील आदिवासी बांधवांना सुद्धा मुख्य प्रवाहात आणण्यासाठी प्रयत्नरत असतात. शाळेने सन्मान कोरोना काळातील शैक्षणिक प्रयत्नांचा या शासनाच्या उपक्रमात सुद्धा अमरावती विभागातून प्रथम क्रमांक प्राप्त केला आहे. नुकतेच शाळेतील शिक्षकांनी जनजागृती करून आदिवासी बांधवांच्या तेरवितील कार्यक्रमात दारू व मांसाहार बंदी चा निर्णय आदिवासी बांधवांनी घेतला आहे. शालेय शिक्षणा सोबत शिक्षकांनी सामाजिक, संस्कृतीक जनजागृतीत महत्वपूर्ण भूमिका घेतल्याने त्यांचा दि. २० जानेवारी रविवारला जळगांव जा येथे राज्याचे अन्न व औषधी प्रशासन मंत्री राजेंद्र शिंगणे यांनी चारबन शाळेचे मुख्याध्यापक गोवर्धन दांडगे, दीपक उमाळे, माधव मोसंबे, ममता गावित यांचा प्रशस्तीपत्र देऊन सत्कार करण्यात आला. यावेळी प्रसेनजीत पाटील, प्रकाश ढोकणे, संगीतराव भोंगळ, रमेश उमाळे, प्रमोद सपकाळ यांची उपस्थिती होती.